Pressemelding

Statsministeren besøkjer Strasbourg, Frankfurt og Berlin måndag 7. og tysdag 8. november. På programmet står besøk til Europarådet, møte med den europeiske sentralbanksjefen og arbeidslunsj med Tysklands forbundskanslar Angela Merkel.

Måndag 7. november deltek statsministeren på Europarådets arrangement World Forum for Democracy i Strasbourg. Det er første gong statsministeren besøkjer Europarådet, og ho skal blant anna ha møte med Europarådets generalsekretær Thorbjørn Jagland og menneskerettskommisær Nils Muižnieks. I tillegg besøkjer ho Den europeiske menneskerettsdomstolen.

På morgonen tysdag 8. november møter statsministeren den europeiske sentralbanksjefen Mario Draghi i Frankfurt. Deretter reiser statsministeren vidare til Berlin til ein arbeidslunsj med forbundskanslar Angela Merkel. Dei to vil avslutta møtet med ein felles pressekonferanse.