Pressemelding

Statsminister Jonas Gahr Støre reiser til London og Skottland, 3. – 4. desember. Han skal mellom anna møte statsminister Keir Starmer, og dei skal saman besøkje den britiske flybasen Lossiemouth.

Støre møter Starmer i London, torsdag 4. desember. Dei skal diskutere mellom anna forsvar- og tryggingssamarbeid, situasjonen i Ukraina og den strategiske partnarskapen mellom Storbritannia og Noreg, som blei underteikna i Bergen i fjor.

– Storbritannia er ein historisk og nær alliert for Noreg, og dette besøket er ei investering i framtida og dei tette banda mellom oss. Vi står saman om tryggleiken. I urolege tider er det ekstra viktig å ha tett og god kontakt med våre partnarar, seier statsminister Jonas Gahr Støre.

Dei to statsministrane reiser saman til den britiske flybasen Lossiemouth i Skottland. Der får dei sjå viktige militære kapasitetar for operasjonar i nordområda og dei møter britisk og norsk forsvarspersonell.