Pressemelding
Fiskeriministeren til verdas største sjømatmesse
Fiskeriminister Harald T. Nesvik reiser til Brussel tysdag 7. og onsdag 8. mai for å møte norske verksemder og internasjonale kollegaer på sjømatmessa Seafood Expo Global.
– Norsk sjømatnæring er i sterk vekst og 2018 var nok eit rekordår for sjømateksporten. God marknadsåtgang og godt marknadsarbeid frå sjømatbedriftene er difor viktig for Noreg, seier fiskeriminister Harald T. Nesvik.
Sjømatmessa i Brussel er verdas største, og i år er det venta over 28.000 besøkande. Til saman møtes representantar frå meir enn 75 land, og om lag 90 norske verksemder vil vere til stades.
– Dette er ein viktig arena for sjømatnæringa, og Noreg er godt representert på messa. Vi eksporterer ikkje berre sjømat, men óg teknologi og utstyr til ein fiskeri- og havbrukssektor i vekst.
I tillegg til å besøke messa skal Nesvik møte Karmenu Vella, EU-kommisær for miljø, maritime saker og fiskeri, samt Islands fiskeriminister.
– Europa er vår viktigaste markand og EØS-avtalen er garantisten for åtgang til den europeiske marknaden, seier Nesvik.