Seikvoten for 2002
Fiskeridepartementet har fastsett totalkvoten for fisket etter sei nord for 62. breiddegrad til 152.000 tonn for neste år.
Totalkvoten for 2002 er 17.000 tonn høgare enn kvoten for inneverande år. Etter avsetning til andre land gir dette ein kvote til norske fiskarar på 142.000 tonn i 2002. I år er kvoten til norske fiskarar 125.000 tonn.
Seibestanden nord for 62. breiddegrad er i god forfatning. Fangstuttaket er i tråd med den biologiske rådgjevinga og gytebestanden ligg godt over føre-var-grensa.
På bakgrunn av fangstdata for inneverande år og resultatet av Havforskingsinstituttet sitt seitokt i haust, vil det i april 2002 bli utført ei ny ordinær bestandsanalyse. Det internasjonale rådet for havforsking vil i mai 2002 vurdere berekningane av både bestand og føre-var fiskedødelegheit, og dette vil danne grunnlag for ei eventuell justering av seikvoten for 2002. (Pressemelding : Fiskeridepartementet)















