Pressemelding

31. oktober til 1. november deltek statsminister Erna Solberg på Nordisk råds 69. sesjon i Helsingfors.

Noreg har formannskapen i Nordisk ministerråd dette året. Tre tema har vore sentrale for den norske formannskapen: Norden i omstilling, Norden i Europa og Norden i verda. Dette er tema som også vil stå på agendaen i Helsingfors.

Andre viktige tema vil vere sikkerheitspolitikk, digitalisering, målsettinga om Norden som verdas mest integrerte region og reformer i Nordisk ministerråd.

I tillegg til statsministeren vil følgjande statsrådar delta: utanriksministeren, samarbeidsminister og EØS- og EU-minister Frank Bakke-Jensen, klima- og miljøminister Vidar Helgesen, helse- og omsorgsminister Bent Høie, arbeids- og sosialminister Anniken Hauglie, barne- og likestillingsminister Solveig Horne, kulturminister Linda Hofstad Helleland og kunnskapsminister Henrik Asheim.